PEQUEEXPERIENCIAS

novo blog

2007-12-07T09:56:00.000Z

Estimados visitantes do blog de pequeexperiencias,comunicamos que para o curso 2007 - 2008, seguimos contando as nosas pequeexperiencias, en http://migallasdecatoira.blogspot.com, esperamos a vosa visita. Grazas.

Curso 2007-2008

2007-11-08T12:38:00.000Z

Xa estamos aquí. Os peques de Baiuca, custounos arrancar, a dicir verdade, custoulle á mestra,por que a comezos de cada curso, aparecen novos amiguiños e amiguiñas e hai que andar de vagariño con eles e elas para que se acostumen a esta nova andaina que lles toca agora xunto cos coleguiñas do curso pasado, aquí estamos as "formiguiñas"
( algunhas aínda non temos 3 anos) e os "leóns"( os maiores )coa nosa "domadora"

PROXECTO " SOMOS UNS ARTISTAS"

2007-06-27T16:57:00.000+01:00

Trátase da creación e producción de obras, empregando distintos soportes ( madeira, tela...) e diversos materiais.
Realmente os nenos/as son uns artistas.

Isto foi todo por este curso, esperemos poder continuar para o curso que ven, aínda que unha mestra soa, bastante torpe coas novas tecnoloxías e con pouco tempo, xa veremos. Gracias a todos polos comentarios. Bó verán.

CARICATURAS

2007-06-27T16:27:00.000+01:00

LOGO DAS LETRAS GALEGAS, TRABALLAMOS AS CARICATURAS.
PRIMEIRO FACEMOS OS NOSOS AMIGOS, CANDO XA "DOMINAMOS" ESTE TIPO DE REPRESENTACIÓN; PROBAMOS CON PERSOEIROS ILUSTRES: ROSALÍA DE CASTRO, COLMEIRO...
PODEMOS VER ALGUNHA DAS CARICATURAS DE COLMEIRO,QUE ENVIAMOS AO

VII CONCURSO DE DEBUXO E PINTURA PINTOR COLMEIRO

ORGANIZADO POLO IES PINTOR COLMEIRO DE SILLEDA.
HOUBO PREMIO ¿ADIVIÑAS CAL? ESTÁ DIFÍCIL PORQUE TODOS SON UNS ARTISTAS.

Teatrillo de aficcionados

2007-06-27T16:16:00.000+01:00

Na nosa escola, a veces facemos pequenas improvisacións, en teatro(dramatización) ou de títeres.
¿ quen está detrás das marionetas?
Os propios nenos/as, a veces tamén o fai a profe, soa ou con eles.

Poesía polas Letras Galegas

2007-05-08T16:01:00.000+01:00

Estamos en Maio,celebraremos as LETRAS GALEGAS, este ano tócalle á poesía, da man de MARÍA MARIÑO,en infantil éste é un xénero moi traballado( polo menos na nosa escola) e que gusta moito, aprender poesías, inventar rimas...póñovos unha pequena mostra das rimas que inventamos cós nomes dos nenos/as, como estamos na primavera puxémolas en flores, detrás da cadeira de cada neno/a, poderíase dicir que "chegou a primavera vestida de poesía"

Representación da experiencia de plantar no monte

2007-04-30T13:21:00.000+01:00

Uns días despois de ir a plantar ao monte,os nenos/as representan esa experiencia botando man de diferentes materiais, finalmente, cada neno escribirá unha frase ou título para a súa obra.

23 de Abril - Día do LIBRO

2007-04-30T13:08:00.000+01:00

Celebrámolo, agasallando aos nenos/as cun conto.

2007-04-30T12:45:00.000+01:00

Algúns resultados de granxas creativas.

GRANXAS CREATIVAS

2007-04-27T13:43:00.000+01:00

Logo de manipular os distintos materiais, cada neno/a comezará a creación da súa granxa.
Teño que dicir que o resultado final non se asemella aos bocetos, porque agora primou a experimentación.

EXPLORACIÓN DE MATERIAIS

2007-04-27T13:38:00.000+01:00

A mestra pon sobre a mesa distintos MATERIAIS que poderán empregar na confección da súa granxa particular.

BOCETOS de granxas

2007-04-27T13:27:00.000+01:00

Logo de xogar a construir as granxas de cartón,pasamos á aula e de forma individual, aínda que compartindo as ideas( falando), realizamos bocetos da granxa que logo trataremos de construír individualmente.

XOGAMOS A CONSTRUIR GRANXAS

2007-04-26T11:09:00.000+01:00

FORMAMOS EQUIPOS, CADA EQUIPO DEBE CONSTRUÍR UNHA GRANXA COAS CAIXAS, PRODÚCENSE VARIOS INTENTOS, HAI COMUNICACIÓN, DISCUSIÓN... ALGUÉN DESCUBRE QUE ABRINDO AS CAIXAS PODEN METERSE DENTRO, ISTO PARECE SER MÁIS DIVERTIDO E TODOS FAN O SEU PROPIO CORTELLO, LOGO DIN QUE ANIMAL SON E XOGAMOS.
A MESTRA SERÁ A GRANXEIRA E CANDO ELA DIGA O NOME DUN ANIMAL, TODOS OS QUE SEXAN ESE ANIMAL SAIRÁN AO PRADO IMITANDO DITO ANIMAL, FINALMENTE SAEN TODOS.

SOS NATUREZA

2007-03-27T11:04:00.002+01:00
Sábado 24. 5 do serán.

Xuntámonos todos os que podemos.

MISIÓN:

SOS NATUREZA

Equipamento:
1. Ganas
2. Palas
3. Picochas
4. Legoñas
5. Picos
6. Botas
7. Camiseta dos Bolechas
8. Gorras
* Elemento sorpresa: a merenda que levou a mamá de Simón.

Con todo este material e coa axuda inestimable de mamás, papás, avoas e avós; a misión estaba chupada: " PLANTAMOS AS ÁRBORES QUE NOS NACERÁN DAS SEMENTES QUE PUXEMOS NO OUTONO"
¿ Cómo foi? Estas son as respostas dos protagonistas:
Iván G.-Divertido, pasámolo chachi, axudoume papá coa pica porque había pedras e fixemos ben en traela e despois merendamos no monte.
Lucía.- Plantamos moito, eu plantei castiñeiros, cabín coa sacha e paseino ben. Temos que coidar as árbores, eu vou ir a ver as que puxemos para que ninguén as estropee.
Alba.- Eu quería sachar e miña nai non me deixou, pero despois meu irmán empezou a sachar e deixoulle a el e despois eu fixen outro. Paseino ben, gustaríame volver a plantar máis.
Andrea.- Plantéi nogueiras coa axuda de mamá.
Simón.- Fomos mamá, abuelo e máis eu. Levamos unha legoña, unha machada para facerlle punta ós paus que lle puxemos ás árbores para que cando medren un pouco atalos para que non os arranque o vento.

EXCURSIÓN A GRANXA SERANTELLOS

2007-03-09T10:53:00.001Z
O 2 de marzo convertímonos en granxeiros por un día. Fomos en autobús ata,http://www.concello-cambados.com alí esperábannos Noemí, Jose e Elena ( os monitores da granxa) e tamén os animais: os porcos, as ovellas,as galiñas, os coellos, os ponis, a burra Mariola, os parrulos, os pavos... e como non a mascota da granxa TINTO ( o can que vive nun barril). O primeiro que fixemos foi ir á cociña do forno, alí moemos, amasamos e fixemos un boliño que logo trouxemos para a casa. Logo coidamos algúns animais e como xa estabamos algo cansos, repuxemos enerxías cunhas galletiñas e unhas magdalenas. Despois volvemos a ver e coidar máis animais e sobre as 2 comemos. Repostas as forzas, xogamos un pouquiño e xa tivemos que ir á horta, primeiro recollemos flores e follas do chan para facer o compos, e logo como comezara a chuviscar plantamos chícharos e ceboliñas no invernadeiro.

Foi un día de moito traballo, de anécdotas, de aventuras, porque é toda unha aventura ser granxeiro, pódete peteirar o galo, rabúñache o coello, lixaste todo de terra... pero tamén é un montón de divertido.

Despois dun longo día de traballo,despedímonos de tódolos habitantes da granxa, non sen antes tomar un bó bocata de chocolate, ata outra, pasámolo moi ben.

Buscar nas fotos a Tinto ¿ a que é curriño? A Mario e a Sergio tamén llo pareceu.

EXCURSIÓN A GRANXA SERANTELLOS

2007-03-08T22:13:00.000Z

O ENTROIDO

2007-03-06T10:10:00.000Z
A comezos de ano estudamos os numeros, para iso a mestra mediunos, pesounos, miramos o número dos zapatos, e aprendemos os anos que temos, o número da nosa casa e o de teléfono, fixemos moitas actividades con tódolos números que son importantes para nós e cando chegou o ENTROIDO ¿ adiviñar de que nos disfrazamos?

O NADAL

2007-03-01T10:47:00.000Z
POLO NADAL, volvemos a xuntarnos os nenos e nenas das escolas de educación infantil de Catoira,esta vez cantamos panxoliñas, xogamos, e claro non podían faltar os agasallos ¿ quen os trouxo? mirade as fotos a ver se coñecedes esas personaxes tan especiais e máxicas.

O MAGOSTO

2007-02-28T10:28:00.000Z
No outono(polo mes de novembro) celebramos O MAGOSTO, xunto coas outras escolas de educación infantil do Concello, tamén contamos coa colaboración dalgunhas mamás que asaron as castañas mentras as profes fixemos un montón de xogos cos nenos e nenas: primeiro fixemos xogos de presentación xa que era a primeira vez que nos xuntabamos cós nenos e nenas das outras escolas, logo a encestar a castaña levada cunha culler na boca, a buscar castañas nunha caixa chea de papeis, á roda de San Miguel... e logo papamos as castañas e bailamos.

CANCIÓN

A LA RUEDA DE SAN MIGUEL
EL QUE SE RIA SE VA AL CUARTEL
A LO DURO Y A LO MADURO
EL QUE SE RIA SE PONE DE CULO.

PLANTAR SEMENTES

2007-02-24T17:02:00.000Z
Comezamos o curso coa vivencia recente da vaga de lumes que asolou a nosa comunidade e tamén o noso Concello,polo que a primeira proposta de ensino-aprendizaxe sería como axudar á repoboación e conservación do noso entorno, do noso monte. O primeiro sería plantar sementes recollidas polos propios nenos coa axuda dos seus pais/nais, que logo trasplantaríamos ao noso xardín e ao monte próximo á nosa escola.